Tri shtetase të Kolumbisë kanë raportuar në Policinë e Kosovës se janë grabitur nën kërcënimin e thikës në Prishtinë.
Sipas njoftimit të PK-së thuhet se, rasti ka ndodhur më 17 qershor rreth orës 22:00 në rrugën “Agim Ramadani”, ndërsa është raportuar në polici më 26 qershor, raporton Zeri.info.
“Viktimat kanë deklaruar se gjashtë persona të dyshuar i kanë përcjellë deri te banesa ku po qëndronin. Më pas, ata i kanë futur në një dhomë dhe, nën kërcënimin e një thike, ua kanë grabitur katër telefona mobilë dhe 300 euro”, thuhet në njoftimin e PK-së.
Po ashtu bëhet e ditur se pas kryerjes së grabitjes, të dyshuarit janë larguar në drejtim të panjohur.
Policia ka bërë të ditur se rasti është duke u hetuar. /Zëri
