Dy tërmete të fuqishme godasin Venezuelën, dyshohet për dhjetëra viktima [video]
TOP Momenti

Dy tërmete të fuqishme godasin Venezuelën, dyshohet për dhjetëra viktima [video]

Momenti




Foto: AP



Bota
June 25, 2026 – 08:05


Venezuela është përfshirë nga kaosi pas dy tërmeteve të fuqishme që goditën brenda pak sekondash kryeqytetin Karakas, duke shkaktuar viktima, dëme të mëdha materiale dhe operacione të vazhdueshme shpëtimi.


Autoritetet kanë shpallur gjendje të jashtëzakonshme, ndërsa ekipet emergjente po kërkojnë të mbijetuar nën rrënoja.




Sipas të dhënave zyrtare, tërmeti i parë kishte magnitudë 7.2, ndërsa i dyti, edhe më i fuqishëm, arriti magnitudën 7.5 të shkallës Rihter.


Gazeta spanjolle El Pais raporton se të paktën 32 persona kanë humbur jetën dhe më shumë se 700 të tjerë janë plagosur. Autoritetet paralajmërojnë se bilanci i viktimave mund të rritet, pasi operacionet e kërkim-shpëtimit vazhdojnë në zonat më të prekura, transmeton Klankosova.tv.




Kryetari i bashkisë së Chacao-s, Gustavo Duque Saez, konfirmoi se të paktën dy ndërtesa në këtë komunë, pjesë e zonës metropolitane të Karakasit, janë shembur plotësisht si pasojë e lëkundjeve të forta.


Sipas tij, ekipet e shpëtimit kanë arritur deri më tani të nxjerrin 18 persona të gjallë nga rrënojat, ndërsa mbi 500 pjesëtarë të shërbimeve emergjente janë angazhuar në terren.




“Askush nuk është vetëm në Chacao dhe ne nuk do të largohemi që këtej derisa të shpëtohet edhe banori i fundit”, deklaroi Duque Saez.




Autoritetet lokale u kanë bërë thirrje qytetarëve që po kërkojnë familjarë të zhdukur të drejtohen në sheshet Plaza Altamira dhe Plaza Los Palos Grandes, ku janë ngritur qendra krize për mbledhjen e informacioneve, shpërndarjen e ujit dhe ofrimin e strehimit të përkohshëm.




“Përveç këtyre dy ndërtesave që janë rrafshuar me tokë, kemi edhe një listë të gjatë objektesh, struktura e të cilave është dëmtuar rëndë dhe paraqet rrezik”, paralajmëroi kryebashkiaku i Chacao-s.




Ndërkohë, autoritetet venezueliane po vazhdojnë vlerësimin e dëmeve, ndërsa frika për pasgoditje të tjera mbetet e lartë në mesin e banorëve.



 



source

You Might Also Like

Balla: Jam i sigurt se Dritan Goxhaj punon për Iranin, prokuroria të hetojë
KRRE paralajmëron ndryshime: Tarifa e lirë e energjisë elektrike mund të vendoset edhe të shtunën
​“Kultura shqiptare pa Qosjen do të ishte më e varfër”
​Kosova forcon standardet e privatësisë, AIP pjesë e rrjeteve ndërkombëtare
​Kosova nuk ftohet në Samitin e NATO-s, Ministria e Mbrojtjes i jep arsyet

You Might Also Like