Franca ka vendosur sanksione të koordinuara kombëtare me aleatët e saj për shkak të dhunës në Bregun Perëndimor të pushtuar, ka njoftuar ministri i jashtëm i vendit.
Jean-Noel Barrot shkroi nw rrjetin social X se: “Me partnerët tanë britanikë, kanadezë, australianë, zelandezë të re dhe norvegjezë, sot po vendosim sanksione të reja kundër atyre që janë përgjegjës për intensifikimin e kolonizimit dhe dhunës në Bregun Perëndimor të pushtuar”.
Franca i ka ndaluar Ministrit Izraelit të Financave, Bezalel Smotrich, katër udhëheqësve të organizatave të kolonëve dhe 21 kolonëve të dhunshëm të hyjnë në Francë, tha Barrot.
Ai shtoi: “Bezalel Smotrich promovon në mënyrë aktive aneksimin e Bregut Perëndimor, të cilin ai e pretendon hapur, krijimin e vendbanimeve të reja në Bregun Perëndimor, rikolonizimin e Gazës, kolapsin ekonomik të Autoritetit Palestinez dhe pasojat e tij të dëmshme për popullsinë palestineze: Kjo është një politikë që shumica dërrmuese e bashkësisë ndërkombëtare nuk mund ta pranojë, e përkushtuar fort ndaj zgjidhjes me dy shtete.”
