Kandidatja për deputete e Lidhjes Demokratike të Kosovës, Albena Reshitaj, ka thënë se ajo karrierën e saj politike e ka filluar si e re në LDK.
Kandidatja për deputete nga Lidhja Demokratike e Kosovës, Albena Reshitaj, ka kritikuar vendimin e qeverisë për ndarjen 100 eurove për disa kategori.
E ftuar në Pressing në T7, Reshitaj ka thënë se po ndahen miliona euro në periudhë fushate zgjedhore, dhe se, ajo dyshon se, do vazhdohet me veprime të tilla.
‘‘Do të thotë, ende pa fillu fushata zyrtarisht kemi filluar me pas një garë të parafushatës jo të barabartë, sepse qeveria në detyrë, partia në pushtet është duke e shfrytëzuar shtetin për fushatë zgjedhore, djersen e prindërve tanë, taksat tona për të manipuluar dhe keqpërdorur besimin qytetar, kjo është e dhimbshme, me aq sa kam informacione kjo po ndodh për herë të parë. Po jepen me miliona euro nga taksat tona në idenë kinse për ndihmë. Dyshoj që do të vazhdojë edhe me tutje me veprime të tilla, duke keqpërdorur kuletën e shtetit pikërisht në periudhë të fushatës zgjedhore’’, ka thënë ajo mes tjerash, përcjell Gazeta Express.
The post “Keqpërdorim i kuletës së shtetit”, Reshitaj kritika Kurtit: Po jepen miliona nga taksat tona kinse për ndihmë appeared first on Gazeta Express.
