Kandidati i Lidhjes Demokratike të Kosovës (LDK) për deputet, Festim Kabashi, ka publikuar një mesazh elektoral në mbështetje të LDK-së dhe kandidatëve kryesorë të këtij subjekti politik për zgjedhjet e 7 qershorit në hapjen zyrtare të fushatës.
Përmes një postimi në Facebook Kabashi e ka cilësuar LDK-në si “Lidhja e bashkuar” dhe “Lidhja e Ibrahim Rugovës”, duke thënë se kjo parti ka bashkuar dhe vazhdon t’i bashkojë shqiptarët kudo në botë.
“Kjo është Lidhja e bashkuar. Lidhja e Ibrahim Rugovës. Lidhja që i ka bashkuar dhe i bashkon të gjithë shqiptarët në tërë botën”, ka shkruar ai.
Kabashi ka bërë thirrje për mbështetje në zgjedhjet e 7 qershorit, duke theksuar se ato do të shënojnë “fitoren e Kosovës” dhe kthimin e demokracisë në vend.
“Me 7 qershor festojmë fitoren e Kosovës, kthejmë demokracinë në këtë vend për të cilin u sakrifikuan breza të tërë”, thuhet në postimin e tij.
Ai po ashtu ka shprehur mbështetje për Vjosa Osmanin dhe kryetarin e LDK-së, Lumir Abdixhiku.
