Kandidati për kryeministër nga Aleanca për Ardhmërinë e Kosovës, Ardian Gjini, ka deklaruar
se me disa veprime precize në politika precize, Kosova mund të shndërrohet në “diamant” dhe të lulëzojë.
Ai ka thënë në “Rubikon” se Kosova ka njerëz të dijshëm dhe të aftë që të përfshihen në ndryshimin e madh, për të mirën e përnbashkët.
“Duhet me i përdorë të gjitha asetet e shtetit në drejtim të zhvillimit. Me e bë Kosovën diamant, unë them mundet me u bë se është e vogël, me ndryshime precize në politika fiskale”, ka deklaruar Gjini.
Kryetari i sapozgjedhur i AAK-së ka folur edhe për autocensurën e njerëzve të aftë, pasi siç u shpreh ai, gjuha linçuese dhe fyese është enorme në rrjetet sociale.
Kosova ka njerëz të dijshëm, ka njerëz të mençur, ka njerëz që dijnë me punu për me gjetë zgjidhje për problemet e Kosovës. Këta njerëz janë njerëzit më të mirë që i kemi, nëpër universitete nëpër akademi. Këta po i bëjnë censurë vetes për shkak se në Kosovë është lëshuar një rrjet i abuzimit në rrjete sociale, një profesor i Universitetit se jep mendimin e vet nëse e dinë që dikush ka me e fy. Një pjesë serioze edhe e ditur e njerëzve në Kosovë kanë hy në autocensurë, për shkak të abuzimit të skajshëm me rrjete sociale. Ne duhet me ju afru atyre njerëzve. Duhet të kyçet ‘truri’ i Kosovës, në vendime që kemi me i marrë” u shpreh ai.
The post Gjini: Profesorët dhe intelektualët po izolohen nga linçimet në rrjete sociale, duhet të kyçet ‘truri’ i Kosovës në vendime appeared first on Gazeta Express.
