Drejtori i Institutit të Kosovës për Drejtësi (IKD), Ehat Miftaraj, ka reaguar lidhur me rastet e fundit të vrasjeve dhe gjendjen politike në vend.
Miftaraj ka përmendur vrasjen e një gruaje shtatzënë, një gruaje 80-vjeçare dhe një 15-vjeçari, duke kritikuar institucionet për situatën e krijuar, transmeton lajmi.net.
“E kanë kthyer jetën në kronikë të zezë, ku jeta e njeriut vlen vetëm një votë në ditën e zgjedhjeve”, ka shkruar Miftaraj.
Ai ka kritikuar edhe qeverisjen dhe institucionet e vendit, duke përmendur, siç i quan ai, “qeveri të kundërligjshme”, “president kundërkushtetues” dhe deputetë që, sipas tij, nuk po e kryejnë punën e tyre.
Miftaraj ka renditur ndër problemet kryesore vrasjet, vdekjet, korrupsionin dhe kundërligjshmërinë.
Në fund të reagimit, ai ka kritikuar edhe zyrtaret Albulena Haxhiu dhe Arbërie Nagavci, duke bërë pretendime për banesat dhe shtëpitë e tyre dhe mënyrën e financimit të tyre.
Postimi i plotë:
Vritet gruaja shtatzanë, vritet e moshuara 80 vjeçare, vritet i mituri 15 vjeçar.
E kane kthyer jeten ne kronikë të zezë, ku jeta e njeriut vlen vetem nje vote ne diten e zgjedhjeve.
Shtet me qeveri te kunderligjshme, me president kunder kushtetues qe shperndan shtetesi per njerez qe kane punuar kunder shtetit te Kosoves, me deputete te Kuvendit qe te vetmen pune qe e bejne jane pagat qe marrin per punen qe nuk e kryjne.
Vrasje, vdekje, korrupsion, kunderligjshmeri, poshtersi gjithandej.
Me rendesi qe Albulena Haxhiu dhe Arberie Nagavci ta gezojne jeten e re ne banesen dhe shtepine e tyre te re qindra mijera Euro nga paga e buxhetit te varfer te shtetit te varfer te Kosoves.
The post Vrasjet e fundit në Kosovë, Miftaraj kritikon Qeverinë: E kanë kthyer jetën në kronikë të zezë, jeta e njeriut vlen veç një votë në ditën e zgjedhjeve appeared first on Gazeta Express.
