Detaje të reja kanë dalë në dritë lidhur me vrasjen te hotel Principote të 20-vjeçarit me kombësi portugeze, Luis Miguel Varela Mendes. Policia e Sarandës ka arritur të gjejë dhe të sekuestrojë thikën me të cilën Sokrat Vata kreu krimin e rëndë.
Arma e krimit është gjetur e hedhur mes ferrave në krahun e majtë të një rruge rurale periferike në Ksamil. Sipas burimeve nga grupi hetimor, ky vendpërkim përkon me pikën e fundit ku DJ i lokalit “Principote” kishte lënë me makinë të dyshuarin Sokrat Vata.
Mësohet se menjëherë pasi ka zbritur nga automjeti i DJ-it, Vata ka flakur thikën në ferra për të fshehur provat dhe është larguar me vrap nga vendngjarja. Sekuestrimi i kësaj prove materiale konsiderohet kyç nga hetuesit për ekspertizën ligjore dhe dokumentimin e plotë të rrethanave të kësaj vrasjeje.
The post Vrasja e 21-vjeçarit portugez, Policia gjen thikën me të cilën u krye krimi appeared first on Gazeta Express.
