Federata e Futbollit e Uellsit (FAW) ka vendosur ta tërheqë zyrtarisht mbështetjen për presidentin e FIFA-s, Gianni Infantino, duke e shënuar një tjetër goditje të fortë për kreun e qeverisë botërore të futbollit.
Sipas raportimeve, FAW ka bërë të ditur se Infantino nuk e gëzon më besimin e saj, duke përmendur shqetësime serioze për mënyrën e drejtimit të FIFA-s, mungesën e transparencës dhe menaxhimin e çështjeve të fundit që e kanë përfshirë organizatën, përcjell “Gazeta Express”.
Vendimi i Uellsit vjen në një periudhë tensioni të madh mes FIFA-s dhe disa federatave evropiane, pas polemikave të shkaktuara nga projekti i Infantinos për përfshirjen e investitorëve privatë në kompeticionet e FIFA-s.
Pikërisht kjo nismë ka shkaktuar reagime të ashpra në Evropë dhe ka çuar në rishikimin e mbështetjes ndaj presidentit aktual.
Raportohet se edhe Federata Angleze e Futbollit (FA) ka vendosur të tërhiqet nga mbështetja për Infantonon, ndërsa presioni ndaj presidentit të FIFA-s vazhdon të rritet. /Gazeta Express
The post Uellsi shkëputet nga Infantino, Federata e tërheq zyrtarisht mbështetjen appeared first on Gazeta Express.
