Presidenti amerikan, Donald Trump thotë se i ka dhënë udhëzime administratës së tij që të anulojë sulmet ndaj Iranit të planifikuara për nesër, por paralajmëroi se mund të nisë një “sulm të plotë dhe në shkallë të gjerë” në një “moment njoftimi”.
Trump lëshoi ëparalajmërimin në një postim në Truth Social, në të cilin ai i atribuoi meritat udhëheqësve të Lindjes së Mesme për kërkesën që ai të ndalonte një sulm tjetër ushtarak derisa negociatat vazhdojnë, raporton Sky News.
Ai tha se apelin e bënë Emiri i Katarit, Princi i Kurorës i Arabisë Saudite dhe presidenti i Emirateve të Bashkuara Arabe.
Trump u shpreh se tani po zhvillohen “negociata serioze” dhe “do të arrihet një marrëveshje, e cila do të jetë shumë e pranueshme për Shtetet e Bashkuara të Amerikës”.
“Ne nuk do ta bëjmë sulmin e planifikuar ndaj Iranit nesër, por i kemi udhëzuar më tej ata që të jenë të përgatitur për të vazhduar me një sulm të plotë dhe në shkallë të gjerë ndaj Iranit, në çdo moment, në rast se nuk arrihet një marrëveshje e pranueshme”, u shpreh Trump.
