Presidenti i SHBA-së, Donald Trump, deklaroi sot para gazetarëve se ai dhe homologu i tij ukrainas, Volodymyr Zelensky, po diskutojnë një “zgjidhje” për t’i dhënë fund luftës.
Dy presidentët u takuan në Nju Jork, në kuadër të punimeve të Asamblesë së Përgjithshme të Kombeve të Bashkuara.
Sipas Trump, presidenti rus Vladimir Putin është “i gatshëm” të marrë pjesë në një takim që synon përfundimin e luftës.
Trump u shpreh gjithashtu se sulmet brenda territorit rus, ndaj rafinerive të vendit, përbëjnë një “goditje serioze” për rusët, por edhe ndikojnë në çmimin e naftës.
Presidenti amerikan tha se gjatë takimit me Zelenskyn do të diskutojë edhe çështjen e raketave Patriot, të cilat Kievi i kërkon për të forcuar mbrojtjen e tij kundërajrore. /Panorama
The post Trump: Po diskutojmë me Zelenskyn një zgjidhje për t’i dhënë fund luftës me Rusinë appeared first on Gazeta Express.
