Një tërmet i fortë me magnitudë 4.4 ka tronditur në agimin e sotëm banorët e Napolit në Itali. Lëkundjet u ndjenë në orën 5:51 të mëngjesit, dhe në qytetet e afërta, ndërsa shumë njerëz në shtëpitë e tyre u zgjuan të tronditur.
Mediat italiane bëjnë të ditur se pas tërmetit të gjatë dhe të fortë, i cili u ndje qartë në pjesën më të madhe të Napolit dhe u raportua nga përdorues të shumtë në mediat sociale, komunat e Pozzuoli, Bacoli dhe Quarto kanë vendosur t’i mbajnë shkollat të mbyllura.
Disa telefonata në qendrën operative të zjarrfikësve u morën nga banorë të shqetësuar që kërkonin informacion mbi situatën, por askush, deri më tani, nuk kërkoi ndihmë dhe as nuk raportoi dëme. Për fat të mirë, nuk është raportuar për të lënduar.
Kryetari i bashkisë së Pozzuolit ka aktivizuar Qendrën e Operacioneve Komunale (COC), ashtu si edhe kryetari i bashkisë së Bacolit, Josi Gerardo Della Ragione, i cili shkroi në Facebook: “Ishte i fortë. Sapo ndjemë një dridhje të fortë në zonën tonë. Kam urdhëruar mbylljen e të gjitha shkollave publike dhe private në Bacoli. Në të njëjtën kohë, të gjitha ndërtesat shkollore po inspektohen. Jemi në rrugë për të vlerësuar çdo dëm”.
The post Tërmeti i fortë zgjon Napolin, mbyllen shkollat appeared first on Gazeta Express.
