Policia e Kosovës ka bërë të ditur se ka arrestuar tre persona në Prishtinë të dyshuar për fajde dhe kanosje.
Tre të dyshuarit me vendim të prokurorit janë dërguar në mbajtje.
“Prishtinë / Vitet 2021-2026. Pas hetimeve të zhvilluara, më datën 23.09.2026 janë arrestuar tre të dyshuar meshkuj kosovarë mbi bazën e dyshimit se të njëjtit kanë kryer veprat penale ‘Fajde’ dhe ‘Kanosje’”, thuhet në raport.
Lidhur me rastin janë kryer kontrolle në dy lokacione, ku në cilësi të provave janë sekuestruar tre telefona celularë dhe disa prova të tjera materiale të nevojshme për procedurën penale. /Telegrafi/
