Besnik Tahiri nga AAK, në emisionin DPT te Fidani ka folur për zhvillimet më të fundit në Kosovë.
Me Tahirin u diskutua edhe përçarja e shoqërisë kosovare për të cilën tha se ka nisur nga siç tha ai “Dhomat e linçimit të Lëvizjes Vetëvendosje”.
“Kjo e ka rrënjën thellë. Kjo e ka rrënjën tek një politikë shumë e sofistikuar e dhomave të linçimit që ka nisur nga Lëvizja Vetëvendosje. Aty kanë nisur me ju thënë “Ky është hajn”, me fake news…ky është tradhtar….ky është me Radoiçiqin”, deklaroi Tahiri në Klan Kosova.
Ai pati edhe një thirrje për ata që ofendojnë përmes rrjeteve sociale.
“Dhe në qoftë se kam një thirrje publike, në qoftë se kam një thirrje miqësore-vëllazërore, kujdes o burra e gra se je ulur në kauç tëndin… je ulur në atë dhomën tënde, je duke ofenduar pa të bërë asgjë. Unë e kam detyrë me dhënë mendimin tim, jam i zgjedhur, ai e ka për detyrë të qeveris”, theksoi ai gjatë emisionit.
The post Tahiri: Përçarja e shoqërisë ka nisur nga “Dhomat e linçimit” të VV-së appeared first on Gazeta Express.
