Të paktën pesë palestinezë janë vrarë të dielën në Rripin e Gazës si pasojë e sulmeve ajrore izraelite, kanë bërë të ditur autoritetet shëndetësore lokale, ndërsa përpjekjet për arritjen e një armëpushimi mes Izraelit dhe Hamasit po hasin në vështirësi.
Sipas mjekëve në terren, një sulm ka goditur një palestinez pranë një posti policor, ndërsa një tjetër në një kamp tendash në Khan Younis, në jug të Gazës. Ushtria izraelite ka deklaruar se në këtë zonë është eliminuar një militant që, sipas saj, përbënte kërcënim të menjëhershëm për forcat e saj.
Ndërkohë, në një tjetër incident në Deir al-Balah, në pjesën qendrore të Gazës, tre persona janë vrarë pas një sulmi ajror pranë një kuzhine komunitare afër spitalit Al-Aqsa, sipas mjekëve palestinezë. Ushtria izraelite nuk ka dhënë ende koment për këtë rast, raporton Reuters.
Tensionet në terren vijnë në një kohë kur, sipas autoriteteve izraelite, është raportuar edhe vrasja e Izz al-Din al-Haddad, i cili konsiderohej kreu i krahut të armatosur të Hamasit në Gaza, në një sulm të saktë në qytetin e Gazës të premten.
