Edhe pse kanë kaluar vetëm pak ditë nga nisja e Big Brother VIP Kosova 5, në shtëpinë e këtij formati kanë filluar të shfaqen debatet dhe mospajtimet e para mes banorëve.

Një nga banoret që po merr vëmendje është gazetarja Zoja Nushi, e cila është përfshirë në disa diskutime dhe përplasje me banorë të tjerë.

Duket se përshtatja me bashkëjetesën dhe karakteret e ndryshme brenda shtëpisë nuk po kalon pa tensione për të, pasi gjatë këtyre ditëve janë vërejtur disa momente mospajtimi.

Foto: Screenshot/Instagram

Së fundmi, Zoja është parë në një moment emocional, teksa nuk ka arritur t’i mbajë lotët pas debateve me disa prej banorëve.

Pamjet e saj duke qarë kanë tërhequr vëmendjen e publikut, ndonëse ende nuk dihet nëse bëhet fjalë për një debat të caktuar apo për grumbullimin e emocioneve nga situatat e krijuara gjatë ditëve të para.

Kujtojmë se ky është vetëm fillimi i rrugëtimit të banorëve në BBVK 5 dhe, me kalimin e ditëve, pritet të shihen më shumë përplasje, afrime dhe dinamika të reja mes tyre.

Mbetet për t’u parë se si do të rrjedhë loja në vazhdim, befasitë e këtij edicioni. /Telegrafi/