Trump flet për takimin me Putinin dhe Xi Jinping: Ishte madhështore, u zotuam të parandalojmë luftën bërthamore

Trump flet për takimin me Putinin dhe Xi Jinping: Ishte madhështore, u zotuam të parandalojmë luftën bërthamore

Trump flet për takimin me Putinin dhe Xi Jinping: Ishte madhështore, u zotuam të parandalojmë luftën bërthamore

Presidenti i Shteteve të Bashkuara të Amerikës, Donald Trump, e ka cilësuar takimin e tij trepalësh në Shenzhen të Kinës me presidentin kinez, Xi Jinping, dhe atë rus, Vladimir Putin, si një nga ngjarjet më të rëndësishme ndërkombëtare të dekadave të fundit.

Sponsor 3M Express

Duke folur para gazetarëve në Shtëpinë e Bardhë, menjëherë pas kthimit nga turneu i tij në Azi, Trump vlerësoi maksimalisht bisedimet e zhvilluara në margjinat e samitit të Bashkëpunimit Ekonomik Azi-Paqësor (APEC), duke e quajtur këtë format një arritje historike.

“Ishte hera e parë ndonjëherë që SHBA-ja, Rusia dhe Kina u takuan në këtë format dhe ishte diçka e madhe. Ishte madhështore. Kishte një energji të jashtëzakonshme. Dhe marrëdhënia mes ne të treve ishte fantastike”, deklaroi kreu i Shtëpisë së Bardhë.

Sipas Trumpit, në fokus të diskutimeve të gjera të tre liderëve botërorë kanë qenë çështjet më të nxehta të sigurisë globale, përfshirë garantimin që Irani të mos pajiset kurrë me armë bërthamore, situatën në Gadishullin Korean, si dhe luftën në Ukrainë.

Nga ky samit ka dalë edhe një dokument i përbashkët i titulluar “Deklaratë drejt Paqes”, e publikuar nga Shtëpia e Bardhë, ku SHBA-ja, Kina dhe Rusia riafirmojnë se “një luftë bërthamore nuk mund të fitohet dhe nuk duhet të zhvillohet kurrë”, duke u zotuar për dialog të vazhdueshëm me qëllim uljen e rreziqeve dhe parandalimin e përhapjes së armëve bërthamore.

Gjithashtu, tre fuqitë e mëdha – njëherësh anëtare të përhershme të Këshillit të Sigurimit – kanë marrë zotimin për reformimin e Organizatës së Kombeve të Bashkuara (OKB), ndërsa kanë lëshuar një paralajmërim të drejtpërdrejtë se Gjykata Penale Ndërkombëtare dhe institucionet e ngjashme “nuk duhet të keqpërdorin juridiksionin e tyre”.

Në planin ekonomik dhe energjetik, Trump, Xi dhe Putin kanë shpalosur plane konkrete për rritjen e prodhimit dhe furnizimit me produkte të rafinuara të naftës, duke nënvizuar rëndësinë jetike të ruajtjes së flukseve të qëndrueshme të energjisë në tregjet botërore.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Inteligjenca artificiale mund të sjellë më shumë ndërprerje të sistemeve digjitale

Inteligjenca artificiale mund të sjellë më shumë ndërprerje të sistemeve digjitale

Gjendet i pajetë një 38-vjeçar pranë Smillkovcit, kishte plagë nga arma e zjarrit, MPB jep detaje

Gjendet i pajetë një 38-vjeçar pranë Smillkovcit, kishte plagë nga arma e zjarrit, MPB jep detaje

Arsenali rikthehet nga disavantazhi i dyfishtë, por nuk arrin ta mposhtë Newcastlen

Arsenali rikthehet nga disavantazhi i dyfishtë, por nuk arrin ta mposhtë Newcastlen