Skandal në Gjermani, autoritetet e NRW-së “harruan” 34 shqiptarë në një fluturim dëbimi drejt Tiranës

Skandal në Gjermani, autoritetet e NRW-së “harruan” 34 shqiptarë në një fluturim dëbimi drejt Tiranës

Skandal në Gjermani, autoritetet e NRW-së “harruan” 34 shqiptarë në një fluturim dëbimi drejt Tiranës

Një gabim në komunikimin zyrtar të autoriteteve në landin gjerman të Nordrhein-Westfalenit ka shkaktuar reagime, pasi fillimisht ishte raportuar se në një aeroplan të kontraktuar për dëbime ndodhej vetëm një person, ndërsa në bord ishin edhe 34 shtetas shqiptarë që po deportoheshin drejt Shqipërisë.

Sponsor 3M Express

Sipas raportimit të mediumit gjerman BILD, fluturimi ishte realizuar më 29 shtator, me nisje nga Dyseldorfi dhe ndalesë në Sofje të Bullgarisë, përpara se aeroplani të vazhdonte rrugën drejt Tiranës.

Fillimisht, Ministria e Refugjatëve në Nordrhein-Westfalen kishte bërë të ditur se me këtë fluturim ishte dëbuar vetëm një person, i shoqëruar nga autoritetet përkatëse.

Megjithatë, pas ngritjes së pikëpyetjeve dhe raportimeve mediatike, ministria e rishikoi rastin dhe pranoi se informacioni fillestar kishte qenë i paplotë, transmeton Telegrafi.

“Përgjigjja e parë për fluturimin e 29 shtatorit ishte fatkeqësisht e paplotë dhe për këtë arsye është krijuar një pasqyrë e gabuar”, ka deklaruar një zëdhënëse e ministrisë për BILD.

Sipas sqarimit zyrtar, në aeroplan ndodhej një person që kishte destinacion Sofjen, ndërsa 34 persona të tjerë po dëboheshin drejt Shqipërisë. Aeroplani kishte vazhduar më pas fluturimin drejt Tiranës.

Rasti kishte nxitur debat në Gjermani, sidomos për kostot e fluturimeve të posaçme për dëbimin e personave pa të drejtë qëndrimi.

Deputeti i FDP-së, Alexander Steffen, ka kritikuar ministren e Refugjatëve, Verena Schäffer, duke vënë në pikëpyetje mënyrën se si po organizohen dëbimet nga autoritetet e landit, transmeton Telegrafi.

Ngjarja ka ngritur pikëpyetje për transparencën dhe saktësinë e informacionit që institucionet gjermane u japin opinionit publik dhe mediave lidhur me operacionet e dëbimit./Telegrafi/

Lexo edhe

Revolta e të rinjve po përfshin Evropën, CJR: Shqipëria në qendër të vëmendjes për protestat kundër projektit të Jared Kushnerit

Revolta e të rinjve po përfshin Evropën, CJR: Shqipëria në qendër të vëmendjes për protestat kundër projektit të Jared Kushnerit

Shiroka-Pula: Aktgjykimi i sotëm ndaj Thaçit e të tjerëve ngre shqetësime për respektimin e të drejtave të tyre

Shiroka-Pula: Aktgjykimi i sotëm ndaj Thaçit e të tjerëve ngre shqetësime për respektimin e të drejtave të tyre

Gjini kritikon Qeverinë për energjinë, ekonominë dhe mungesën e investimeve

Gjini kritikon Qeverinë për energjinë, ekonominë dhe mungesën e investimeve