Disa klube të Ligës Premier po kërkojnë hapjen e një hetimi të ri ndaj financave të Manchester Cityt, me fokus periudhën pas vitit 2018.

Kjo lëvizje rrezikon të rikthejë tensionet në futbollin anglez, ndërsa klubi nga Mançesteri vazhdon të kundërshtojë gjetjet e çështjes ekzistuese financiare.

Sipas The Independent, drejtuesit e klubeve rivale vazhdojnë të kenë dyshime nëse marrëveshjet e sponsorizimit, të cilat u vunë në pikëpyetje gjatë procedurave fillestare, kanë ndryshuar pas vitit 2018.

Megjithatë, disa klube hezitojnë të nisin një tjetër betejë të gjatë ligjore, e cila mund të dëmtojë edhe më tej reputacionin e Ligës Premier.

Një hetim i mundshëm i ri përballet me vështirësi të mëdha sa i përket provave. Klubet rivale janë të shqetësuara nëse mund të sigurojnë dokumentacion të mjaftueshëm për të mbështetur akuzat e reja.

Disa drejtues e shohin gjithashtu mundësinë e veprimeve të mëtejshme si një mjet presioni në mosmarrëveshjen që po vazhdon.

Manchester City mohon çdo shkelje dhe po kundërshton gjetjet ekzistuese. Çdo hetim shtesë do të ishte i ndarë nga procedurat aktuale, ndërsa sanksionet e mundshme do të vareshin nga përfundimi i proceseve përkatëse ligjore./Telegrafi/