Real Madridi përgatit “peshkimin” në Premierligë, këta janë pesë emrat që kërkon Mourinho

Real Madridi përgatit “peshkimin” në Premierligë, këta janë pesë emrat që kërkon Mourinho

Real Madridi përgatit “peshkimin” në Premierligë, këta janë pesë emrat që kërkon Mourinho

Real Madridi ka nisur të monitorojë nga afër tregun e transferimeve në Premierligë, në kuadër të planeve për përforcimin e skuadrës. Trajneri Jose Mourinho dhe drejtuesit sportivë të klubit kanë identifikuar pesë futbollistë që janë vënë nën vëzhgim, transmeton IndeksOnline.

Sponsor 3M Express

Në listën e madrilenëve bëjnë pjesë Alexis Mac Allister, Luka Vuskovic, Chema Andres, Rayan dhe Martin Zubimendi, emra që mund të jenë pjesë e planeve të klubit për afatin kalimtar të janarit ose atë të verës.

Alexis Mac Allister shihet si një nga objektivat kryesorë për afatin kalimtar të janarit. Mesfushori argjentinas ka kontratë me Liverpoolin deri në vitin 2028, por ende nuk ka arritur marrëveshje për rinovimin e saj. Real Madridi, sipas raportimeve, mund të paraqesë një ofertë prej të paktën 70 milionë eurosh, pas bisedimeve që pritet të nisin në dhjetor.

Luka Vuskovic është një tjetër futbollist që po ndiqet nga klubi madrilen, i cili e sheh si përforcim të mundshëm për repartin defensiv. Megjithatë, Brighton nuk dëshiron ta lejojë largimin e tij gjatë afatit kalimtar të dimrit dhe preferon ta shtyjë një shitje të mundshme për verën e vitit 2027. Vlera e transferimit të tij mund të arrijë deri në 100 milionë euro.

Në radarët e Real Madridit është edhe Chema Andres, mesfushori 21-vjeçar i Brightonit dhe ish-futbollisti i Real Madrid Castillas. Ai pëlqehet nga Mourinho, ndërsa kostoja e mundshme e transferimit vlerësohet nga 60 deri në 70 milionë euro. Megjithatë, Brighton ka mohuar se ekziston ndonjë klauzolë që do t’i mundësonte Real Madridit ta rikthente lojtarin.

Për Rayanin, anësorin brazilian, konkurrenca pritet të jetë më e madhe, pasi interesim për të kanë shprehur edhe Manchester United, Liverpooli dhe Paris Saint-Germaini. Në kontratën e tij parashihet një klauzolë lirimi prej 130 milionë funtesh, e cila hyn në fuqi gjatë verës së ardhshme.

Ndërkohë, emri i Martin Zubimendit është përmendur në lidhje me një largim të mundshëm nga Arsenali që në afatin kalimtar të janarit. Sipas raportimeve, ndërmjetësit kanë hedhur si mundësi edhe një shkëmbim me sulmuesin Endrick, ndonëse skautët kanë shprehur dyshime pas paraqitjes së mesfushorit në ndeshjen mes Spanjës dhe Anglisë.

Në javët në vijim, Mourinho dhe stafi i tij pritet të analizojnë koston financiare të këtyre objektivave, për të vendosur nëse klubi do të tentojë transferimin e Mac Allisterit që në janar apo do ta ruajë buxhetin për përforcime më të mëdha gjatë verës.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

175 zyrtarë policorë certifikohen në modulin për ballafaqimin me turma

175 zyrtarë policorë certifikohen në modulin për ballafaqimin me turma

Ylli i Barcelonës drejt largimit në janar, Manchester United dhe Liverpool në garë

Ylli i Barcelonës drejt largimit në janar, Manchester United dhe Liverpool në garë

“Uroj që Erioni ta kuptojë se është gabim me mua dhe PS”, Rama mesazh Veliajt nga Asambleja

“Uroj që Erioni ta kuptojë se është gabim me mua dhe PS”, Rama mesazh Veliajt nga Asambleja