Paris Saint-Germaini ka dhuruar një tjetër paraqitje spektakolare në Ligën e Kampionëve, duke e mposhtur Villarrealin me rezultat të thellë 6-0. Kampionët e Evropës kanë treguar dominim të plotë, duke vazhduar serinë perfekte në këtë garë.

Skuadra franceze e nisi furishëm takimin dhe brenda 17 minutave të para shënoi katër gola. Joao Neves zhbllokoi rezultatin në minutën e nëntë, ndërsa Desire Doue dyfishoi epërsinë tri minuta më vonë.

Senny Mayulu realizoi për 0-3 në minutën e 13-të, kurse Fabian Ruiz shënoi golin e katërt në minutën e 17-të, pas një kombinimi të bukur me Maghnes Akliouche.

PSG-ja vazhdoi dominimin edhe në pjesën e dytë. Fabian Ruiz realizoi golin e tij të dytë personal në minutën e 50-të, pas një asistimi nga Vitinha, duke e çuar rezultatin në 0-5.

Golin e gjashtë e shënoi David Boly në minutën e 78-të, pas një pasimi të Joao Neves, duke vulosur fitoren e thellë të skuadrës parisiene.

Me këtë rezultat, PSG-ja vazhdon me paraqitje perfekte në Ligën e Kampionëve, ndërsa Villarrealit i mbetet të përpiqet të rikuperojë pas një mbrëmjeje të vështirë përballë kampionëve të Evropës. /Telegrafi/