Inspektorati Qendror i Punës ka ndërprerë përkohësisht punimet në një objekt ndërtimi në Ferizaj, pasi gjatë inspektimit ka evidentuar parregullsi në zbatimin e masave për sigurinë dhe shëndetin në punë.

Sipas njoftimit të Inspektoratit, pas konstatimit të parregullsive në terren, inspektorët kanë nxjerrë vendim për ndalimin e punimeve deri në eliminimin e tyre dhe krijimin e kushteve të sigurta për punëtorët.

Inspektorati ka rikujtuar se zbatimi i masave për sigurinë dhe shëndetin në punë është obligim ligjor i çdo punëdhënësi.

Po ashtu, u ka bërë thirrje punëdhënësve që të respektojnë legjislacionin në fuqi dhe të sigurojnë kushte të sigurta për të gjithë punëtorët.

Burimi: Dukagjini