Sa mirë mund ta njohësh një pajisje elektroshtëpiake para se ta blesh?

Electro Magic dhe Miele po sjellin një mënyrë tjetër për ta bërë këtë zgjedhje, duke e kthyer showroom-in në një hapësirë ku teknologjia nuk shihet vetëm nga afër, por provohet realisht.

Në Miele Experience Center, pajisjet elektroshtëpiake janë aktive dhe klientët mund t’i testojnë para se të vendosin për blerje. Mund të hapin frigoriferin, të marrin produktet që gjenden brenda dhe të gatuajnë me pajisjet Miele, të provojnë furrat dhe pllakat e shporetit apo të shohin nga afër funksionimin e lavatriçeve, tharëseve dhe pajisjeve të tjera për shtëpinë.

Për Electro Magic përvoja nuk përfundon kur pajisja del nga showroom-i. Përmes Electro Magic Premium Care, kompania sjell një model të mirëmbajtjes parandaluese, ku ekipi teknik viziton klientin një herë në vit për të kontrolluar gjendjen dhe funksionimin e pajisjeve, edhe kur ato nuk shfaqin ndonjë problem.

Nëse paraqitet një problem teknik, Electro Magic synon asistencë brenda 24 orëve dhe, kur riparimi kërkon më shumë kohë, ofron pajisje zëvendësuese deri në përfundimin e tij.

Kjo qasje lidhet me filozofinë e kompanisë për cilësi, jetëgjatësi dhe investim afatgjatë në shtëpi.

E nëse ende po mendoni çfarë e bën këtë eksperiencë ndryshe nga një showroom tradicional, përgjigjja është e thjeshtë: duhet ta provoni vetë.