Në Prishtinë do të hapet ekspozita “Kosova e Kadaresë”, e organizuar në shenjë nderimi për 90-vjetorin e lindjes së shkrimtarit të njohur shqiptar, Ismail Kadare.
Ekspozita organizohet nga Ambasada e Republikës së Shqipërisë në Kosovë, Biblioteka Kombëtare e Kosovës “Pjetër Bogdani” dhe Shtëpia Studio Kadare – Bashkia Tiranë.
Përmes këtij aktiviteti, publiku do të ketë mundësi të njihet më nga afër me jetën dhe krijimtarinë e një prej figurave më të rëndësishme të letërsisë shqipe dhe botërore.
Në ekspozitë do të prezantohen materiale të veçanta nga fondi personal i Kadaresë, përfshirë letra të rralla të drejtuara liderëve botërorë, dorëshkrime, botime dhe objekte personale.
Po ashtu, vizitorët do të mund të shohin materiale nga fondet e muzeut, Bibliotekës Kombëtare të Kosovës dhe Bibliotekës Kombëtare të Shqipërisë.
Sinjali – aty ku e vërteta flet para lajmit!
Burimi: Sinjali
