Fuego ka rrëfyer një nga momentet më të vështira gjatë përplasjes së tij me Nichin në shtëpinë e “Big Brother VIP Kosova 5”.

Gjatë një bisede, ai tregoi se komentet e Nichit kishin prekur një temë shumë të ndjeshme për të, pasi lidhej me djalin e tij dhe nënën e fëmijës.

Fuego tha se kjo ishte pikërisht ajo që e kishte shqetësuar më së shumti, duke theksuar respektin e madh që ka për nënën e djalit të tij dhe dëshirën që askush të mos e përfshijë atë në debate të tilla.

“Qaty e kam pasë tutën, s’kam pasë qejf me m’prek najkush… Se kam shumë respekt për nanën e djalit”, u shpreh ai.

Banori shtoi se, pasi ka arritur ta përballojë edhe këtë situatë, çdo gjë tjetër që mund të ndodhë brenda shtëpisë do ta ketë më të lehtë për ta kaluar.

Rrëfimi i tij vjen pas tensioneve dhe përplasjeve të vazhdueshme me Nichin, të cilat kanë nxitur diskutime të shumta mes banorëve të tjerë. /Telegrafi/

– YouTube youtu.be