Reperi Fero ka reaguar në rrjetet sociale, ku ka folur për vendimin e tij për të mos u bërë pjesë e spektaklit, Big Brother VIP Kosova.

Përmes disa deklaratave të publikuara në Instagram, ai ka bërë të qartë se nuk ka pranuar ofertën për t’iu bashkuar këtij formati, duke theksuar se vendimet për karrierën dhe jetën e tij i merr vetë, pa pasur nevojë për miratimin e të tjerëve.

Fero ka reaguar edhe ndaj atyre që, sipas tij, mund të përpiqen t’ia dëmtojnë imazhin për shkak të refuzimit të kësaj oferte.

Foto: Screenshot/Instagram

“Nëse dikush mendon që mundet me ma përly emrin vetëm pse nuk kam pranuar një ofertë, e ka shumë gabim”, ka shkruar reperi.

Ai ka shtuar se emri dhe karriera e tij nuk varen nga televizionet apo gazetarët, duke paralajmëruar se do të kërkojë përgjegjësi nga ata që, sipas tij, shpërndajnë të pavërteta për të.

“Emrin FERO nuk ma ka ndërtuar asnjë televizion dhe nuk ka me ma shkatërru asnjë gazetar. Kush ka fakte për mua, le t’i publikojë. Kush shpërndan të pavërteta, le të jetë i gatshëm të mbajë përgjegjësi”, thuhet në reagim.

Në fund, reperi ka theksuar se nuk hesht përballë shpifjeve, por nuk dëshiron as ta përdorë jetën private të personave të tjerë për të fituar vëmendje.

FeroFoto: Screenshot/Instagram

“Sa i përket Big Brother VIP Kosova, unë kam vendosur të mos jem pjesë e atij formati. Nuk kam nevojë për lejen e askujt për vendimet e mia”, ka përfunduar ai. /Telegrafi/