Njësitë speciale kanë qenë në Skenderaj dhe kjo nga shumë qytetareë e ish-deputetë të PDK-së është lidhur me incidentin e sotëm ku ishte i përfshirë kryetari i kësaj komune, Sami Lushtaku.
Qytetarë të shumtë në Skenderaj kërkuan nga Policia të dijnë se pse janë mbledhur në numër kaq të madhe sonte.
Për ish-deputetin e PDK-së, Mergim Lushtaku kjo çfarë ka ndodhur sonte është skenografi e siç thotë ai “regjimit autoritar të Albin Kurtit”.
Ai ka thënë se Policia me maska erdhën për t’i shërbyer Kurtit si “polici private”.
“Gjithçka që po shohim sonte në Skënderaj është skenografi e këtij regjimi autoritar. Disa policë me maska, pa asnjë nevojë, vetëm për të shërbyer si një polici politike e private e Albin Kurtit. Gjithsesi, respekt për uniformën që mbajnë. Shumë gjak është derdhur në tokën e lavdishme të Drenicës që një ditë ta kemi shtetin dhe policinë tone”, ka shkruar Lushtaku. /Gazeta Express
The post Situata në Skënderaj, Mërgim Lushtaku: Policë me maska pa asnjë nevojë, vetëm për të shërbyer si polici private e Kurtit appeared first on Gazeta Express.
