Nga kati i dytë po i largojnë orenditë.
E me largimin e tyre, po hapet edhe terreni për makineritë e rënda, në Zonën Kadastrale “Bregu i Madh” në komunën e Zubin Potokut.
Këto të fundit, synim kanë këto villa afër liqenit të Ujmanit.
Kjo meqë pronat, u ndërtuan pa leje në parcelën e cila është pronë e Ndërmarrjes Hidroekonomike “Ibër Lepenci”.
Të martën përveç organeve të rendit, në terren u panë edhe trupat e KFOR-it.
Këta të fundit i vizituan pronat, pak para se rrënimi të fillonte.
Fat të ngjashëm me këtë villë, e patën edhe dhjetë të tjera.
Pronarët e tyre, ndërmarrja “Ibër Lepenci” thotë se për aksionin i paralajmëroi 15-të ditë më parë.
E emrat e të zotëve të pronave pa leje, janë anëtarë të njohur të Listës Serbe dhe familjarë të tyre.
Bashkë me të, ville afër ka edhe vëllai i tij, Sergej Zaporozhac.
E këta të fundit, leje për ndërtim në pronë të huaj, duket se i dhanë Vukola Tomoviqit.
Për këtë, Tomoviq të martën pati një kërkesë.
“Unë kam vetëm një dhomë dhe një banjo, kur e kam ndërtuar kam marrë leje dhe nuk kam pasur njohuri se i përket Ibër Lepencit.Nëse jam uzurpues i tri akreve tokë, atëherë le ta shembin. Unë do të qëndroj aty. Nuk kam ku të shkoj, kjo është e vetmja gjë që kam”, ka thënë Tomoviq.
Për aksionin, detaje kanë dhënë edhe nga Ibër Lepenci.
Ky aksion është asistuar edhe nga Policia e Kosovës.
