Vetëm pak ditë pas vdekjes së tij, në Obrenovac te Serbisë u shfaq një mural që e glorifikon figurën e kriminelit të luftës Ratko Mlladiq, i shoqëruar me një tubim dhe ndezje pishtarësh.
Mbrëmë atje është pikturuar një mural kushtuar kriminelit të luftës, i dënuar me burgim të përjetshëm për gjenocid, krime kundër njerëzimit dhe krime lufte në Bosnjë e Hercegovinë.
Pas përfundimit të muralit, në vend u mblodhën qytetarë, ndërsa u ndezën edhe pishtarë, duke krijuar një atmosferë shqetësuese rreth figurës së një prej përgjegjësve kryesorë për krimet më të rënda të luftës në Bosnje.
Në mural është shkruar mesazhi: “Do të jetoj për aq kohë sa ekziston fisi dhe populli ynë. Ata që nuk duan do të pagëzohen.”
Pamjet nga tubimi dhe murali janë shpërndarë në rrjetet sociale.
Mladiq është shpallur përgjegjës nga Gjykata e Hagës për një sërë krimesh të kryera gjatë luftës në Bosnjë e Hercegovinë, përfshirë gjenocidin, vrasjet, përndjekjet, shfarosjen dhe terrorizimin e civilëve.
Përgjegjësia e tij u konfirmua edhe për rrethimin e Sarajevës, fushatën e spastrimit etnik në disa komuna të Bosnjës dhe marrjen peng të pjesëtarëve të misionit paqeruajtës të Kombeve të Bashkuara.
Dhoma e Apelit e Tribunalit të Hagës konfirmoi në vitin 2021 dënimin e tij me burgim të përjetshëm.
The post Qyteti serb glorifikon kriminelin e luftës Mladiq, muralit i bëhen homazhe me pishtarë appeared first on Gazeta Express.
