Ambasadori i Shqipërisë në Shkup, Denion Meidani, ka përcjellë një mesazh për rëndësinë e gjuhës shqipe në prag të protestës së paralajmëruar nga studentët shqiptarë në Maqedoninë e Veriut, për mbrojtjen e saj dhe kryerjen e provimeve në shqip.
Përmes një postimi në rrjetet sociale, Meidani ka ndarë disa vargje nga poema “Gjuha Shqype” e Gjergj Fishta, duke theksuar rëndësinë e ruajtjes së identitetit kombëtar përmes gjuhës. /Panorama
Në postimin e tij, ambasadori ka veçuar vargjet:
“Pra, shqyptarë çdo fes qi t’jini,
gegë e toskë, malci e qyteta,
gjuhën t’uej kurr mos ta lini,
mos ta lini sa t’jetë jeta…”
Mesazhi i tij vjen në një moment kur çështja e përdorimit dhe respektimit të gjuhës shqipe ka nxitur reagime dhe organizime protestash nga studentët shqiptarë në Shkup.
The post Protesta e studentëve në RMV, ambasadori Meidani mesazh me vargjet e Fishtës: Gjuhën t’uej kurr mos ta lini, mos ta lini sa t’jetë jeta appeared first on Gazeta Express.
