Prokurorët spanjollë thonë se në Ceuta janë regjistruar 23 raste të sulmeve seksuale, përfshirë nëntë ndaj fëmijëve, që nga fluksi masiv i migrantëve në enklavën spanjolle në fund të korrikut.
Ky numër nënkupton se është regjistruar pothuajse një rast në ditë, ka thënë Silvia Rojas, kryeprokurorja e Ceutës.
Ajo i ka thënë gazetës “El Pais” se vajzat migrante ishin “veçanërisht të cenueshme për shkak të statusit të tyre të parregullt në territor”.
Të paktën 72,000 migrantë kaluan nga Maroku në Ceuta më 30 dhe 31 korrik dhe, megjithëse shumica janë kthyer, deri në 5,000 prej tyre kanë mbetur ende, duke shkaktuar trazira në qytetin autonom në Afrikën e Veriut dhe një krizë për kryeministrin spanjoll Pedro Sanchez.
Ditët e fundit janë shënuar episode dhune, pasi tensionet janë përshkallëzuar mes migrantëve dhe banorëve vendas.
Sanchez ka thirrur të martën mbledhjen e dytë të Këshillit të Sigurisë Kombëtare brenda një jave për të trajtuar këtë çështje.
Sipas Rojas, nga rreth 5,000 migrantët që kanë mbetur ende në Ceuta, 1,400 deri në 1,600 janë fëmijë.
Mes personave të dyshuar për sulmet janë katër marokenë, tre spanjollë dhe një belg, ka raportuar agjencia e lajmeve Efe.
Rojas ka thënë se fluksi i migrantëve kishte sjellë një rritje eksponenciale të rasteve të sulmeve seksuale dhe se shumë viktima nuk kishin bërë kallëzim, ose nga frika, ose për shkak të “situatës së tyre aktuale në Ceuta”.
Shoqata Spanjolle e Epidemiologjisë ka thënë se kriza në kufi ka nxjerrë në pah vështirësinë për të identifikuar dhe trajtuar dhunën ndaj grave dhe vajzave migrante.
Ministri i Ekonomisë, Carlos Cuerpo, ka thënë se qeveria ka miratuar një paketë ndihme prej disa milionë eurosh, e cila do të ndihmojë në ofrimin e shërbimeve thelbësore dhe në mbulimin e kujdesit për fëmijët e pashoqërua
Ndërkohë, kryebashkiaku konservator i territorit, Juan Jesus Vivas, u ka bërë thirrje spanjollëve që të marrin pjesë të mërkurën në protesta në të gjithë Spanjën kontinentale, në mbështetje të Ceutës. Protestat përkojnë me festën vjetore të qytetit.
Qeveria spanjolle po përballet me kritika të ashpra nga kundërshtarët për mënyrën se si po e menaxhon krizën. Partia e së djathtës ekstreme Vox tha se Sanchez nuk e kishte “humbur kontrollin e Ceutës – ai ua ka dorëzuar atë”.
The post Prokurorët raportojnë për sulme pothuajse të përditshme seksuale në Ceutë appeared first on Gazeta Express.
