Presidenti i Iranit, Masoud Pezeshkian, tha se do të ishte “më mirë” që lufta të përfundojë tani, derisa Teherani është në një pozitë të fuqishme, raportuan të premten mediat shtetërore të vendit.
Pezeshkian tha se do të ishte “më mirë ta përfundojmë luftën sot, derisa jemi në një pozitë të fuqisë dhe dinjitetit”, cituan presidentin agjencia shtetërore iraniane e lajmeve Mizan dhe agjencia gjysmëzyrtare Iranian Students’ News Agency (ISNA).
Komentet e presidentit për dëshirën që konflikti të përfundojë erdhën në kohën kur shefi i Shtabit të Forcave të Armatosura të Iranit paralajmëroi se çdo “kërcënim i ri” do të përballej me një përgjigje “shkatërruese”, raportoi agjencia gjysmëzyrtare iraniane Mehr.
Trupat e Gardës Revolucionare Islamike të Iranit (IRGC) thanë të enjten se mund të përdorin armë edhe më “shkatërruese” nëse lufta rifillon, sipas mediave gjysmëzyrtare iraniane, pasi presidenti amerikan Donald Trump tha se kishte pezulluar bisedimet me Teheranin, shkruan CNN, transmeton Gazeta Express.
The post Presidenti i Iranit thotë se lufta duhet të përfundojë tani, derisa Teherani është i fortë, raportojnë mediat iraniane appeared first on Gazeta Express.
