Policia e Kosovës, ka njoftuar se në Prizren, ka sekuestruar armë në dy raste të ndara.
Policia shton edhe se, rastet kanë ndodhur në datat 25 dhe 27, të këtij muaji.
Tutje, Policia njofton edhe se, lidhur me këto raste janë arrestuar dhe ndaluar për 48 orë dy persona, përcjell Gazeta Express.
Njoftimi:
Policia në Prizren ka sekuestruar dy armë zjarri në raste të ndara
Prizren, 28 maj 2026
Brenda dy ditëve të fundit, Policia e Kosovës në Prizren ka sekuestruar dy armë zjarri në raste të ndara, duke parandaluar përdorimin e tyre të paautorizuar dhe duke garantuar sigurinë publike.
• Rasti i parë ka ndodhur më 25.05.2026, në orën 23:20, në fshatin Lubizhdë e Hasit. Pas një denoncimi për të shtëna me armë, patrulla policore ka identifikuar të dyshuarin, i cili pranoi se kishte shtënë gjatë një gazmendi familjar. Ai dorëzoi vullnetarisht një armë me gaz të tipit ZORAKI M, një karikator, 28 fishekë dhe 8 gëzhoja. Provat materiale u sekuestruan nga njësiti i forenzikës, ndërsa me urdhër të prokurorit i dyshuari u ndalua për 48 orë.
• Rasti i dytë ka ndodhur më 27.05.2026, në orën 23:15, në rrugën Remzi Ademaj. Gjatë një kontrolli rutinë në një lokal, tek i dyshuari është gjetur një pistoletë me këllëf, një karikator dhe 14 fishekë. I dyshuari është shoqëruar në stacionin policor, ku pas intervistimit në prani të avokatit mbrojtës dhe me urdhër të prokurorit kujdestar, është ndaluar për 48 orë. Armët dhe municioni janë sekuestruar si prova materiale.
Policia e Kosovës mbetet e përkushtuar në parandalimin e mbajtjes së paautorizuar të armëve dhe garantimin e rendit e sigurisë për të gjithë qytetarët.
The post Policia sekuestron armë në Prizren, arrestohen dy persona appeared first on Gazeta Express.
