Policia britanike ka nisur një hetim për dy raste të dyshuara të abuzimit seksual me fëmijë, pas publikimit të dokumenteve nga Departamenti i Drejtësisë i SHBA-së që lidhen me Jeffrey Epstein.
Sipas raportimeve njëri nga incidentet dyshohet se ka ndodhur në Surrey dhe Berkshire në gjysmën e dytë të viteve ’90, ndërsa rasti tjetër lidhet me një ngjarje të ndodhur në fund të viteve ’80 në Surrey.
Autoritetet britanike theksuan se hetimet janë ende në fazë paraprake dhe nuk janë kryer arrestime.
“Ne i marrim seriozisht të gjitha raportet për krime seksuale dhe po punojmë për të përcaktuar pistat e hetimit për të verifikuar informacionin ose për të krijuar prova”, deklaroi Policia e Surrey-t.
Hetimi vjen në kuadër të shqyrtimit më të gjerë të materialeve dhe dokumenteve që lidhen me rrjetin e dyshuar të abuzimeve të lidhura me Epstein.
The post Policia britanike hap hetim për dy raste abuzimi seksual me fëmijë, çështje të lidhura me dokumentet për Jeffrey Epstein appeared first on Gazeta Express.
