Policia e Kosovës ka arrestuar të hënën në Ferizaj një person të kërkuar përmes INTERPOL-it me urdhërarrest ndërkombëtar të lëshuar nga autoritetet e Maqedonisë së Veriut.
Sipas Policisë, operacioni është realizuar rreth orës 21:00 nga Drejtoria për Bashkëpunim Ndërkombëtar Policor, në bashkëpunim me njësitet e tjera policore dhe Stacionin Policor në Ferizaj.
I arrestuari, me inicialet N.R., është shtetas i Kosovës dhe i Maqedonisë së Veriut dhe kërkohej për veprën penale “vjedhje e rëndë”, pasi dyshohet se i ishte shmangur drejtësisë.
Bëhet e ditur se me urdhër të prokurorit kujdestar, i dyshuari është dërguar në ndalim policor për 48 orë, ndërsa procedurat e mëtejshme ligjore do të vazhdojnë.
