Një person ka mbetur i plagosur pas të shtënave me armë zjarri në një lokal në Lipjan.
Sipas informatave të policisë, ngjarja ka ndodhur sonte rreth orës 22:00, teksa në vendngjarje kanë dalë edhe autoritetet.
“Rreth orës 22:00 kemi marrë informatën për të shtëna me armë zjarri, në një lokal në Lipjan”, ka thënë zëdhënësja e Policisë për Rajonin e Prishtinës, Flora Ahmeti.
“Njësitet policore menjëherë kanë dalë në vendin e ngjarjes, nga ku është raportuar për një person të plagosur”.
“Personi i plagosur, (mashkull), është dërguar për trajtim mjekësor, ndërkohë policia ka nisur një hetim lidhur me rrethanat e kësaj ngjarje”.
