Ushtruesja e Detyrës së presidentes së Kosovës, Albulena Haxhiu, ka përuruar sot strehimoren e parë institucionale në veri, të rinovuar, që kap vlerën e një investimi prej 634 mijë eurosh.
Haxhiu, ka deklaruar se, strehimorja në fjalë është e para në rajon sipas standardeve të Konventës së Stambollit.
Komunikata:
U.D. Presidentja Haxhiu përuroi strehimoren e parë institucionale në veri
Ushtruesja e Detyrës së Presidentes së Republikës së Kosovës, Albulena Haxhiu, ka përuruar sot strehimoren e parë institucionale në veri, të renovuar me një investim prej 634 mijë eurosh.
U.D. Presidentja Haxhiu ka thënë se vizitën në pjesën veriore të Mitrovicës e nisëm aty ku shihet qartë dallimi mes shtetit që rikthen ligjin dhe krimit që ka dashur ta mbajë peng.
“Kjo është strehimorja e parë në rajon sipas standardeve të Konventës së Stambollit. Asokohe si ministre e Drejtësisë, bashkë me ish-kryetarin e Mitrovicës së Veriut, Erden Atiq, dhe ministrin Xhelal Sveçla, e ridestinuam këtë objekt në strehimore për viktimat e dhunës në familje”, ka thënë U.D. Presidentja Haxhiu.
U.D. Presidentja Haxhiu ka thënë se sot çelësat iu dorëzuan Ministrit, Andin Hoti, që kjo hapësirë të vihet plotësisht në shërbim të atyre që kanë nevojë për siguri, kujdes dhe dinjitet.
The post Përurohet një strehimore në veri, Haxhiu: E para në rajon sipas standardeve të Konventës së Stambollit appeared first on Gazeta Express.
