Komisioni Qendror i Zgjedhjeve (KQZ) ka njoftuar se është përmbyllur numërimi i votave nga të gjitha 47 vendvotimet në përfaqësitë diplomatike të Kosovës.
Sipas numërimit të bërë publik nga KQZ-ja, Lëvizja Vetëvendosje del e para me 18,789 vota, që përfaqësojnë 83.28 për qind të votave të numëruara.
Në vendin e dytë është renditur Partia Demokratike e Kosovës (PDK) me 1,608 vota ose 7.13 për qind, ndërsa Lidhja Demokratike e Kosovës (LDK) ka siguruar 1,490 vota, përkatësisht 6.60 për qind.
Aleanca për Ardhmërinë e Kosovës (AAK) ka marrë 464 vota, apo 2.06 për qind të votave.
Votimi në përfaqësitë diplomatike është zhvilluar më 6 qershor 2026 në 30 përfaqësi diplomatike të Kosovës, të vendosura në 18 shtete të ndryshme.
Nga gjithsej 27,724 shtetas të regjistruar për votim, të drejtën e votës e kanë shfrytëzuar 22,860 qytetarë, që përbën 82.46 për qind të pjesëmarrjes.
Ndërkohë, në Qendrën e Numërimit dhe Rezultateve po vazhdon procesi i numërimit të votave të ardhura përmes postës nga diaspora.
