Një person i moshës madhore është dërguar pa shenja jete në QKMF-në e Malishevës pasditen e sotme.
Rastin e ka konfirmuar për RTV Dukagjinin zëdhënësja e Policisë për rajonin e Gjakovës, Vlera Krasniqi, e cila ka bërë të ditur se Policia ka pranuar informatën rreth orës 19:35.
“Rreth orës 19:35, përmes linjës telefonike kemi pranuar informatën nga QKMF Malishevë se një person mashkull i moshës madhore është dërguar pa shenja jete”, ka deklaruar Krasniqi.
Sipas saj, njësitë policore kanë dalë menjëherë në vendin e ngjarjes dhe po zhvillojnë hetimet në koordinim me organet kompetente.
“Njësitë relevante të Policisë i janë përgjigjur rastit dhe janë duke ndërmarrë veprimet e nevojshme në koordinim të plotë me prokurorin e shtetit”, ka thënë ajo.
Krasniqi ka bërë të ditur se rasti është iniciuar si “Hetim i vdekjes”, ndërsa trupi i pajetë do t’i nënshtrohet ekzaminimit mjeko-ligjor.
“Është inicuar rasti ‘Hetim i vdekjes’ dhe trupi i pajetë do të dërgohet për ekzaminim mjeko-ligjor”, ka shtuar ajo.
