Kandidati për deputet nga radhët e PDK-së, Nderim Mustafa, u ka bërë thirrje qytetarëve që në zgjedhjet e 7 qershorit të mbështesin Partinë Demokratike të Kosovës dhe kandidatin për kryeministër, Bedri Hamza, duke e cilësuar këtë votim si një vendim të rëndësishëm për të ardhmen e Kosovës.
Mustafa ka theksuar se vendi ka nevojë për një ndryshim të ri politik, i cili sipas tij do të ndalë krizën, do të rikthejë zhvillimin ekonomik dhe do të krijojë kushte më të favorshme për investime.
“Të dashur miq,
Më 7 qershor ju ftoj ta merrni vendimin e rëndësishëm për Kosovën. Vendimin që e ndal krizën, e kthen zhvillimin, i hap rrugë investimeve dhe e bën ndryshimin që vendi ynë po e pret tash e 6 vite.
Më 7 qershor votoni Partinë Demokratike të Kosovës me numër 125, Bedri Hamzën me numër 1 dhe mua me numër 65.
STOP krizës. Ndrysho Kosovën”, ka shkruar Mustafa.
