Ish-deputetja e Partisë Demokratike të Kosovës, Ganimete Musliu, ka deklaruar se ish-presidentja Vjosa Osmani dhe kryeministri në detyrë Albin Kurti kanë vepruar të bashkuar politikisht dhe sipas saj, mbajnë përgjegjësi të përbashkët për gjendjen aktuale në vend.
Musliu tha se Osmani dhe Kurti janë afruar dhe ndarë nga interesat politike, duke shtuar se të dy kanë humbur besueshmërinë për shkak të mospërputhjes mes deklaratave dhe veprimeve të tyre.
Sipas saj, Kosova aktualisht po përballet me mungesë stabiliteti dhe me kriza të vazhdueshme, ndërsa në arenën ndërkombëtare po trajtohet më shumë si vend problematik sesa si shtet me progres institucional.
“Vjosa Osmanin dhe Albin Kurtin nuk i shoh të ndarë, unë i shoh të bashkuar, Albin Kurti dhe Vjosa Osmani janë të njëjtit, janë ata njerëz që i ka bashkuar interesi dhe i ka nda po ashtu interesi. Ata dy janë një. Nëse Kosova është stërkeq deri në këtë pikë bashkëfajtor janë Kurti dhe Osmani. Kosova sot në çarqet ndërkombëtare nuk diskutohet si shtet, diskutohet si temë një vend ku ka kriza të vazhdueshme, s’ka stabilitet, ne kemi ngec në të gjitha aspektet…. Albin Kurit ka ardhur në pushtet me tendencën për me degradua vlerat e UÇK-së dhe pushtetin ka tentua me e mbajt në këtë formë. Osmani ka funksionuar si patericë e Kurtit, s’kanë qëndrueshmëri në deklaratat e tyre dhe në premtimet e tyre, të dytë kanë luajtur me besimin qytetar e kanë keqpërdorë besimin e qytetarit, unë mendoj që s’ka me pas asnjë lider më rezultatin që e kanë pasur këta të dy me besimin që ia kanë dhënë qytetarët”, ka deklaruar Musliu në emisionin “Mesditë” në Tëvë1./teve1.info/
The post Musliu: Dyshja Kurti-Osmani solli krizë dhe paqëndrueshmëri appeared first on TËVË 1 – Lexoje të vërtetën!.
