Ministria e Industrisë, Ndërmarrësisë dhe Tregtisë ka bërë të ditura çmimet tavan të derivateve për tregun vendor, të cilat do të vlejnë për sot dhe nesër, duke hyrë në fuqi nga ora 10:00.
Sipas njoftimit, çmimi i naftës mbetet i pandryshuar krahasuar me ditën e kaluar dhe do të tregtohet me 1.61 euro për litër. Benzina do të shitet me 1.52 euro për litër, ndërsa çmimi i gazit është caktuar në 0.76 euro.
Autoritetet kanë bërë të ditur se këto çmime do të jenë në fuqi deri në publikimin e vendimit të radhës.
