Varrimi me nderime shtetërore të kriminelit të luftës, Ratko Mlladiq, në Serbi ka nxitur anulimin e vizitës së planifikuar të Komisioneres për Zgjerim të BE’së, Marta Kos, në Beograd.
Në një postim në X, Kos thotë se glorifikimi që po i bëhet atij në Serbi është kundër vlerave të BE’së dhe tha se këto vlera të Unionit nuk janë të negociueshme.
“Ratko Mladiq u dënua për gjenocid, krime kundër njerëzimit dhe krime lufte. Kthimi i eshtrave të tij në Beograd i rikujton Europës faqet më të errëta të historisë sonë të kohëve të fundit. Glorifikimi që po shoqëron vdekjen e tij është në kundërshtim me vlerat mbi të cilat ndërtohet rruga drejt BE-së. Kjo rrugë kërkon përballje me të kaluarën, pajtim të sinqertë dhe respekt për viktimat e krimeve të luftës. Vlerat që mbështesin të ardhmen tonë të përbashkët nuk janë të negociueshme. Në këtë kontekst, kam vendosur të mos e realizoj, për momentin, vizitën time të planifikuar në Serbi”, ka shkruar ajo.
Për këtë çështje më herët ka reaguar edhe ministri për Çështje Europiane i Irlandës, Thomas Byrne, vendi i të cilit udhëheq me Presidencën e BE’së.
Aeroplani me trupin e pajetë Ratko Mlladiqit, i cili vdiq më 27 gusht në Hagë, arriti të enjten, më 3 shtator, në aeroportin “Nikola Tesla” të Beogradit. Në aeroplan, përveç anëtarëve të familjes, ndodheshin edhe ministri i Drejtësisë i Serbisë, Nenad Vujiq, dhe dy bashkëluftëtarë të Mlladiqit./Express/
Ratko Mladić was convicted of genocide, crimes against humanity and war crimes. The return of his remains to Belgrade reminds Europe of the darkest pages in our recent history.
— Marta Kos (@MartaKosEU) September 4, 2026
The glorification surrounding his death is incompatible with the values on which the EU path is…
The post Marta Kos anulon vizitën në Beograd për shkak të nderimeve shtetërore të kriminelit Ratko Mlladiqit appeared first on Gazeta Express.
