Përderisa partitë politike po presin certifikimin e zgjedhjeve për të nisur hapat për ndërtimin e institucioneve paqartësia mbetet tek forma që do të zgjidhet për të arritur këtë çështje.
Profesori Arben Fetoshi thotë se partitë politike duhet të bëhen bashkë dhe përmes kompromiseve të ndërtojnë institucione stabile.
“Marrëveshja është domosdoshmëri forcat politike duhet të mendojnë forcat për bashkëpunim dhe kompromise duhet të zbatohet vullneti qytetarë për institucione sa më të qëndrueshme demokratike”, tha Fetoshi.
Pas zgjedhjeve të 7 qershorit partitë politike janë shprehur të gatshme për bashkëpunim rreth ndërtimit të institucione derisa koalicioni më i përfolur në këtë periudhë është ai mes LVV-së dhe LDK-së për të cilin të dyja partitë në një formë kanë dhënë sinjale.
Sa i përket bashkëpunimit me LVV-në ndërkaq në PDK kanë deklaruar se ende nuk e kanë diskutuar këtë çështje në strukturat e partisë.
Në Institutin e Kosovës për Drejtësi ndërkaq paralajmërojnë pasoja të rënda për vendin në rast të dështimit të krijimit të institucioneve të reja përfshirë edhe humbjen e mjeteve nga plani i rritjes së BE-së.
“Humbjet e vendit janë të mëdha ne disa sfera dialogu me Serbinë miratimi i legjislacioneve reformave për integrime euroatlantike plani i rritjes”, tha Qemajl Marmullakaj
Zgjedhjet e 7 qershorit nxorën LVV si parti të parë më 47.13% të votave numër ky më i ulët se ai i zgjedhjeve të dhjetorit. PDK-ja e dyta më 19.44% vota LDK-ja e treta më 16.69% si dhe AAK-ja më 6.74% të votave./rtv21
