Shkëmb Manaj, kandidat i LDK-së për deputet, në një intervistë në “Debat Plus” ka folur lidhur me rezultatin që pret subjekti i tij politik më 7 qershor.
Ai ka kritikuar Lëvizjen Vetëvendosje dhe kryeministrin në detyrë për mungesë pune, duke thënë se premtimet e dhëna në Istog janë të njëjta me ato të vitit 2021.
“Më besoni, fjalimi që e ka mbajtur në Istog është fjalimi i vitit 2021. Ka folur për projekte infrastrukturore, i ka premtuar projektet infrastrukturore të cilat tashmë kanë përfunduar”, ka thënë ai.
“Ky ka marrë vetë pjesë në përurimin e projekteve infrastrukturore dhe të njëjtat i ka premtuar, por qytetarët janë të vetëdijshëm… Besoj që kësaj radhe do t’ia tregojmë vendin”, ka shtuar Manaj.
Manaj ka thënë se LDK pret një ringritje në zgjedhjet e 7 qershorit.
“Ne presim ringritje të LDK-së…”, ka thënë Manaj.
