Dizajnerja e njohur e modës, Vera Wang, e cila në qershor mbushi 77 vjeç, u shfaq në ceremoninë e ndarjes së çmimeve CFDA në New York me një veshje të zezë që zbulonte barkun.

Paraqitja e saj në tapetin e kuq edhe një herë tërhoqi vëmendjen dhe nxiti komente për pamjen rinore.

Ceremonia e Këshillit të Dizajnerëve të Modës në Amerikë (CFDA), e cilësuar shpesh si “Oscari i modës”, u mbajt të hënën mbrëma në Muzeun Amerikan të Historisë Natyrore në Manhattan.

Foto: Reuters

Wang pozoi para fotografëve e buzëqeshur dhe e relaksuar, e veshur me një bluzë të shkurtër pa rripa, një fund të gjatë dhe një xhaketë lëkure të vendosur mbi supe.

Ajo e kompletoi dukjen me një çantë të artë në formë lulesh, teksa flokët e gjatë të errët i mbante të lëshuara.

Dizajnerja prej vitesh shfaqet në tapetin e kuq me veshje që nxjerrin në pah barkun dhe shpatullat, ndonëse çdo dalje publike e saj rikthen diskutimet për pamjen që duket shumë më e re se mosha e saj.

Vera Wang ka lindur në vitin 1949 në New York.

Para se t’i përkushtohej dizajnit të modës, punoi si redaktore në revistën Vogue. /Telegrafi/