Presidenti amerikan, Donald Trump, ka zgjedhur komentatoren konservatore Katie Zacharia për postin e sekretares së shtypit të Shtëpisë së Bardhë, duke e bërë atë zëdhënësen e ardhshme të administratës së tij.
Zacharia aktualisht punon si këshilltare e lartë për komunikim në Grupin e Medias dhe Teknologjisë Trump (Trump Media & Technology Group), ndërsa më herët ka punuar si zëdhënëse në Departamentin e Sigurisë Kombëtare të SHBA-së. Ajo gjithashtu ka qenë komentatore në disa media amerikane, përfshirë Fox News dhe Newsmax.
Trump e ka vlerësuar Zacharian si mbështetëse besnike të tij dhe të lëvizjes MAGA, duke theksuar se ajo ka qenë e përfshirë edhe në fushatat e tij zgjedhore, veçanërisht në shtetet ku gara ishte e ngushtë.
Në një postim në rrjetin e tij social, Truth Social, presidenti amerikan ka shprehur bindjen se Zacharia do të ketë rezultate të mira në detyrën e re dhe do të bashkëpunojë me mediat, qytetarët amerikanë dhe administratën e tij.
Ajo pritet ta zëvendësojë Karoline Leavitt, e cila u largua nga posti në fund të gushtit. Leavitt, ndërkohë, është angazhuar si komentatore në rrjetin televiziv Fox News, ku pritet të nisë punën më 1 nëntor.
Zacharia do të jetë sekretarja e gjashtë e shtypit gjatë dy mandateve presidenciale të Trumpit.
Sinjali – aty ku e vërteta flet para lajmit!
The post Trump zgjedh Katie Zacharian si sekretare të ardhshme të shtypit të Shtëpisë së Bardhë appeared first on Sinjali.
Burimi: Sinjali
