Të shtëna me armë zjarri janë dëgjuar mbrëmjen e së premtes në qytetin e Durrësit, pas një konflikti mes dy personave.
Ngjarja ka ndodhur rreth orës 22:45, në lagjen numër 6, ku dyshohet se një debat për motive të dobëta mes shtetasve me inicialet Gj. P. dhe H. Ll. ka përfunduar me të shtëna me armë zjarri në ajër.
Fatmirësisht, nga ky incident nuk raportohet për persona të lënduar.
Pas njoftimit, forcat e Policisë kanë dalë në vendin e ngjarjes dhe kanë rrethuar zonën, ndërsa kanë nisur kontrollet për identifikimin dhe kapjen e autorit të dyshuar.
Ndërkohë, grupi hetimor, nën drejtimin e Prokurorisë, po punon për zbardhjen e plotë të rrethanave dhe dokumentimin e rastit.
Sinjali – aty ku e vërteta flet para lajmit!
Burimi: Sinjali
