Studentët dhe qytetarët në Tiranë kanë vazhduar edhe të martën protestën, duke kërkuar dorëheqjen e kryeministrit Edi Rama dhe ndryshimin e klasës politike në Shqipëri.
Siç raportojnë mediat në Tiranë, protesta ka nisur me marshimin e studentëve nëpër disa fakultete të kryeqytetit, ku u është bërë thirrje studentëve për bojkotimin e mësimit.
Protestuesit kanë kaluar edhe pranë Ministrisë së Arsimit dhe selisë së Partisë Demokratike, ku janë dëgjuar thirrje kundër opozitës, për të përfunduar më pas para Kryeministrisë.
Protesta ka hyrë në ditën e 22-të, ndërsa situata gjatë mbrëmjes ka qenë e qetë, pa incidente apo përplasje me policinë.
Numri i protestuesve ka qenë më i vogël krahasuar me tubimet e mëparshme, disa prej të cilave janë shoqëruar me përplasje me forcat e rendit.
Kryeministri Rama u ka bërë disa herë thirrje protestuesve për dialog, por ftesat e tij janë refuzuar.
Burimi: RTKLive
