Pretendimet për një incident me armë zjarri gjatë ushtrimeve të Forcës së Sigurisë së Kosovës (FSK), ku dyshohet se është plagosur një ushtar, kanë ngritur pikëpyetje për një ngjarje që raportohet se ka ndodhur disa ditë më parë.

Në media është raportuar për një incident të mundshëm gjatë një ushtrimi ushtarak, ku dyshohet se një pjesëtar i FSK-së është plagosur nga arma e zjarrit. Po ashtu, është ngritur pretendimi se rasti është mbajtur i fshehtë.

Sipas informacioneve të raportuara, ngjarja dyshohet të ketë ndodhur gjatë ushtrimeve të pjesëtarëve të FSK-së.

Nga Ministria e Mbrojtjes as s’e kanë mohuar as pohuar një gjë të tillë.

Sidoqoftë, Sinjali ka publikuar një video e cila nuk dihet nëse lidhet me këtë incident. Në këtë video, mediumi pretendon se arma që ishte prodhim amerikan dhe municioni me prejardhje turke shkaktoi një “shpërthim”, siç shihet edhe në pamje.

Burimi: Insajderi